28 Gusht 2025

Meteoriti më i madh nga Marsi i gjetur ndonjëherë në Tokë u shit në një ankand në Nju Jork për 4,3 milionë dollarë.

Sipas shtëpisë së ankandeve, të Sotheby’s, meteoriti me peshë rreth 25 kilogramë besohet se është shkëputur nga Planeti i Kuq, siç cilësohet Marsi si shkak i një goditjeje të fortë nga një asteroid.

Struktura më pas udhëtoi për 225 milionë kilometra në hapësirë drejt Tokës, ku u rrëzua në Sahara.

“Një gjuetar meteoritësh e gjeti atë në Niger në nëntor të vitit 2023”.

“Meteoriti në ngjyrë të kuqe, kafe dhe gri është 70% më i madh se çdo pjesë tjetër e ngjashme dhe përfaqëson gati 7% të të gjithë materialit marsian aktualisht në Tokë.

Janë vetëm 400 meteoritë marsiane – nga mbi 77 000 meteoritë të njohur zyrtarisht të gjetur në Tokë”, sipas të dhënave.

Një pjesë e vogël e mbetjes së meteoritit të kuq u hoq dhe u dërgua në një laborator të specializuar që konfirmoi se vinte nga Marsi.

Meteoriti u krahasua me përbërjen kimike të dallueshme të meteoritëve marsianë të zbuluar gjatë sondës hapësinore “Viking” që zbriti në Mars në vitin 1976.

Ekzaminimi zbuloi se është një lloj shkëmbi marsian i formuar nga ftohja e ngadaltë e magmës marsiane.

“Ai ka një strukturë të trashë dhe përmban mineralet piroksen dhe olivinë”, tha Sotheby’s.

Këto veçori bënë që vlera e tij në ankand të kapë vlerën prej 4.3 milionë dollarësh